شقيقة الشهيدين جواد وظافر الريماوي تكتب ...

رام الله - تعيش عائلة الريماوي مرارة الالم والفقد بعدما اعدم الاحتلال متعمدا الشقيقين جواد وظافر أمس الأول خلال اقتحام بلدة كفر عين في رام الله

وكتبت شفيقة الشهيدين رؤى عبر صفحتها على الفيسبوك كلمات موجعة ابكت كل من قرأها حيث قالت:

باحدى قعداتنا المعتادة بعد منتصف الليل انا وظافر، انا عكرسي وهو عكرسي تاني قبالي وبندرس، شغل اغنية "قمري الشهيد" وحكالي شو احلى مقطع فيها؟ قلتله بس يحكي "ورضيت حين مضيت عني"
ويا الله شو طلع صعب الرضا يا ظافر، انا بعرف انك انت وجواد بمكان احسن بس انا نفسي تكونوا جنبي ومعي وبين ايدي

انا مش من الناس اللي بختاروا يعبروا عن حزنهم بالعلن، كل اللي بعرفوني بعرفوا هالاشي، بحب حزني لحالي وفرحي مع الناس، بس المرة الوجع اكبر من انه يتخبى

وجودكم معنا هو الاشي اللي مصبرنا، كل الناس بتيجي من كل محل وبتدعيلهم وهاد لحاله مصبرنا"